საქართველოს მთავრობის დადგენილება №260
28 ნოემბერი, 2007
,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ" საქართველოს მთავრობის 2005 წლის 31 დეკემბრის N249 დადგენილებაში ცვლილებების შეტანის თაობაზე
მუხლი 1. ,,ნორმატიული აქტების შესახებ" საქართველოს კანონის 36-ე მუხლის შესაბამისად ,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ" საქართველოს მთავრობის 2005 წლის 31 დეკემბრის N249 დადგენილებით (სსმ, 2005 წელი, N154, მუხლი 1714) დამტკიცებულ დებულებაში შეტანილ იქნეს შემდეგი ცვლილებები:
1. მე-4 მუხლის მე-5 პუნქტის ,,თ" ქვეპუნქტი ჩამოყალიბდეს შემდეგი რედაქციით:
,,თ) საერთაშორისო ურთიერთობის სამსახური (დეპარტამენტი);".
2. მე-184 მუხლი ჩამოყალიბდეს შემდეგი რედაქციით:
,,მუხლი 184. საერთაშორისო ურთიერთობის სამსახური (დეპარტამენტი)
საერთაშორისო ურთიერთობის სამსახურის (დეპარტამენტის) ძირითადი ამოცანები და კომპეტენციაა:
ა) სამინისტროსა და საერთაშორისო ორგანიზაციებთან (დონორებთან) ურთიერთობის კოორდინაცია;
ბ) საერთაშორისო ხელშეკრულებების ექსპერტიზა, სამინისტროს მიერ დასადები საერთაშორისო ხელშეკრულებების მომზადება და ხელშეკრულებათა დადების ორგანიზა-ციული უზრუნველყოფა;
გ) სამინისტროს გამგებლობას მიკუთვნებულ სფეროში საერთაშორისო ხელშეკრულებებით და შეთანხმებებით ნაკისრ ვალდებულებათა აღრიცხვა და შესრულების მონიტო-რინგი;
დ) ევროკავშირის სამეზობლო პოლიტიკის განხორციელების ხელშეწყობა;
ე) სამინისტროს აპარატის თანამშრომელთა მივლინებების ორგანიზება და საპროტო-კოლო უზრუნველყოფა.".
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ვლადიმერ გურგენიძე