საქართველოს მთავრობის დადგენილება №259
28 ნოემბერი, 2007
,,საქართველოს სახელმწიფო საშინაო ვალის პრობლემათა შემსწავლელი სახელმწიფო კომისიის შექმნის შესახებ" საქართველოს მთავრობის 2004 წლის 15 ნოემბრის N108 დადგენილებაში ცვლილებების შეტანის თაობაზე
,,ნორმატიული აქტების შესახებ" საქართველოს კანონის 36-ე მუხლის შესაბამისად ,,საქართველოს სახელმწიფო საშინაო ვალის პრობლემათა შემსწავლელი სახელმწიფო კომისიის შექმნის შესახებ" საქართველოს მთავრობის 2004 წლის 15 ნოემბრის N108 დადგენილებაში (სსმ, 2004 წელი, N132, III ნაწილი, მუხლი 1160) შეტანილ იქნეს შემდეგი ცვლილებები:
1. დადგენილების პირველი, მე-2 და მე-3 პუნქტები ჩამოყალიბდეს შემდეგი რედაქ-ციით:
,,1. შეიქმნას საქართველოს სახელმწიფო საშინაო ვალის პრობლემათა შემსწავლელი სახელმწიფო კომისია შემდეგი შემადგენლობით:
ნიკა გილაური - საქართველოს ფინანსთა მინისტრი, კომისიის თავმჯდომარე
გიორგი არველაძე - საქართველოს ეკონომიკური განვითარების მინისტრი, კომისიის თავმჯდომარის მოადგილე
კახა ბენდუქიძე - საქართველოს სახელმწიფო მინისტრი რეფორმების კოორდინაციის საკითხებში
ეკატერინე ტყეშელაშვილი - საქართველოს იუსტიციის მინისტრი.
2. ეთხოვოთ საქართველოს პარლამენტის საფინანსო-საბიუჯეტო კომიტეტის თავმჯდომარეს ი. კოვზანაძეს, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარეს ნ. ლეკიშვილს, საქართველოს კონტრო-ლის პალატის თავმჯდომარეს ლ. ჭოლაძეს, ქალაქ თბილისის მერს გ. უგულავას და საქართველოს ეროვნული ბანკის პრეზიდენტის მოვალეობის შემსრულებელს დ. ამაღლობელს მონაწილეობა მიიღონ სახელმწიფო საშინაო ვალის პრობლემათა შემსწავლელი სახელმწიფო კომისიის მუშაობაში წევრის სტატუსით.
3. კომისიის უფლებამოსილების ვადა განისაზღვროს 2009 წლის 1 იანვრამდე.".
2. ამ დადგენილებით დამტკიცებული დებულების მე-4 მუხლის პირველი პუნქტი ჩა-მოყალიბდეს შემდეგი რედაქციით:
,,1. კომისიის სხდომები იმართება პერიოდულად, კომისიის თავმჯდომარის გადაწყ-ვეტილების შესაბამისად.".
3. დადგენილება ამოქმედდეს გამოქვეყნებისთანავე.
პრემიერ-მინისტრი ვლადიმერ გურგენიძე