საქართველოს მთავრობის დადგენილება N216
15 ნოემბერი, 2006
,,ბავშვთა დაცვისა და დეინსტიტუციონალიზაციის სამთავრობო სამოქმედო გეგმის, ბავშვთა დაცვისა და დეინსტიტუციონალიზაციის სამთავრობო კომისიის და ბავშვთა დაცვისა და დეინსტიტუციონალიზაციის სამთავრობო კომისიის დებულების დამტკიცების შესახებ" საქართველოს მთავრობის 2005 წლის 21 აპრილის N75 დადგენილებით დამტკიცებულ ბავშვთა დაცვისა და დეინსტიტუციონალიზაციის სამთავრობო სამოქმედო გეგმაში ცვლილებისა და დამატების შეტანის თაობაზე
,,ნორმატიული აქტების შესახებ" საქართველოს კანონის 36-ე მუხლისა და საქართველოს ზოგადი ადმინისტრაციული კოდექსის 63-ე მუხლის შესაბამისად:
1. ,,ბავშვთა დაცვისა და დეინსტიტუციონალიზაციის სამთავრობო სამოქმედო გეგმის, ბავშვთა დაცვისა და დეინსტიტუციონალიზაციის სამთავრობო კომისიის და ბავშვთა დაცვისა და დეინსტიტუციონალიზაციის სამთავრობო კომისიის დებულების დამტკიცების შესახებ" საქართველოს მთავრობის 2005 წლის 21 აპრილის N75 დადგენილებით (სსმ, 2005 წელი, N51, III ნაწილი, მუხლი 528) დამტკიცებულ ბავშვთა დაცვისა და დეინსტიტუციონალიზაციის სამთავრობო სამოქმედო გეგმაში შეტანილ იქნეს შემდეგი ცვლილება და დამატება:
ა) ცხრილის მე-2 პუნქტი ჩამოყალიბდეს ახალი რედაქციით:
მიზანი შედეგი ღონისძიებები
2. ბავშვზე ზრუნვის საკითხებში არსებული საკანონმდებლო ბაზის გადასინჯვა და ადეკვატური ცვლილებებისა და ახალი ინიციატივების წარმოდგენა 2005 წლის ბოლომდე 2.1. შვილობილობისა და შვილად აყვანის კანონებში შეტანილია სათანადო ცვლილებები;
2.2. შემოთავაზებულია ბავშვთა სოციალური დაცვის შესახებ ახალი კანონპროექტი (შესაძლოა ბავშვთა კეთილდღეობის კოდექსის სახით).
2.3. ბავშვზე ზრუნვის სტანდარტების შემუშავება ოთხი დროებითი, მიზნობრივი სამუშაო ჯგუფის ჩამოყალიბება, რომლებიც იმუშავებენ ისეთ საკითხებზე, როგრიც არის: შვილად აყვანა, შვილობილობა და ალტერნატიული ფორმები და ახალი სერვისები, შეზღუდული შესაძლებლობების მქონე ბავშვთა შეფასებისა და დაცვის მექანიზმები და სხვა;
ბავშვზე ზრუნვის საკითხებში, არსებული საკანონმდებლო ბაზის ცვლილებებისა თუ ახალი ინიციატივების წარმოდგენა დაინტერესებული ორგანოების, არასამთავრობო სტრუქტურებისა და საერთაშორისო ორგანიზაციებისათვის;
ერთი დროებითი მიზნობრივი სამუშაო ჯგუფის ჩამოყალიბება, რომელიც იმუშავებს შემდეგ საკითხებზე: არსებული სტრუქტურების შეფასება და ახალი ტიპის სტრუქტურული მოდელი, ადგილობრივი ორგანოების ფუნქციები და მათი გადანაწილება, პოტენციური ბენეფიციარების სასარგებლოდ სახელმწიფო თუ ადგილობრივ დონეზე სერვისების უზრუნველყოფის მექანიზმი და სხვა;
დამატებითი მიზნობრივი სამუშაო გუნდების ჩამოყალიბება საჭიროების მიხედვით (კვლევითი, საკონსულტაციო, სამივლინებო, მეთოდოლოგიური, ასე შემდეგ).
ბ) ცხრილს დაემატოს მე-7 პუნქტი შემდეგი რედაქციით:
მიზანი შედეგი ღონისძიებები
7. ბავშვზე ზრუნვის სტანდარტების შესრულება ბავშვზე ზრუნვის სტანდარტების შესრულების კონტროლის მარეგულირებელი მექანიზმების თაობაზე შესაბამისი ნორმატიული აქტების მიღება ბავშვზე ზრუნვის სტანდარტების შესრულების კონტროლის მარეგულირებელი მექანიზმების თაობაზე შესაბამისი კანონპროექტის შემუშავება და საქართველოს პარლამენტისათვის წარდგენა 2007 წლის 1 სექტემბრამდე.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზურაბ ნოღაიდელი