საქართველოს მთავრობის განკარგულება №747
28 ნოემბერი, 2007
დიდი ლიახვის სოფელ ხეითისა და ქარელის მუნიციპალიტეტის სოფელ დვანის ელექტროენერგიით მომარაგების ღონისძიებათა შესახებ
დიდი ლიახვის სოფელ ხეითში ცხინვალიდან დევნილებისათვის 2007 წლის ოქტომ-ბერში აშენდა კომპაქტური დასახლება (5 კოტეჯი 200 ოჯახზე), რომელსაც ელექტროე-ნერგია მიეწოდება ,,კეხვიჰესის" ქვესადგურიდან. არსებული 10 კვ ელექტროგადამცემი ხაზი და ქვესადგურის სიმძლავრე ვერ უზრუნველყოფს ზემოაღნიშნული დასახლები-სათვის ელექტროენერგიის უწყვეტ და საიმედო მომარაგებას. პრობლემის გადაჭრისათვის საჭიროა აშენდეს ,,კეხვიჰესის" ქვესადგურიდან 4 კმ-მდე სიგრძის 10 კვ ელექტროგადამ-ცემი ხაზი სოფ. ხეითამდე 10/0,4 კვ 1000 კვა სატრანსფორმატორო პუნქტით და ,,კეხ-ვიჰესში" არსებული 35/10 კვ 1000 კვა სიმძლავრის ძალოვანი ტრანსფორმატორი შეიცვა-ლოს 35/10 კვ 2500 კვა სიმლავრის ძალოვანი ტრანსფორმატორით.
მიმდინარე წლის ნოემბრის დასაწყისში ცხინვალის დე-ფაქტო ხელისუფლებამ ქარე-ლის მუნიციპალიტეტის სოფ. დვანს შეუწყვიტა ელექტროენერგიის მიწოდება. ელექტროე-ნერგიის მიწოდების აღდგენა სოფელ დვანისათვის შესაძლებელია ქარელის რაიონიდან 3,5 კმ სიგრძის 10 კვ ელექტროგადამცემი ხაზის აშენებით.
აღნიშნულ სამუშაოთა საორიენტაციო ღირებულება შეადგენს 350 000 ლარს დღგ-ს ჩათვლით.
შესაბამისად, დიდი ლიახვის სოფ. ხეითისა და ქარელის მუნიციპალიტეტის სოფ. დვანის ელექტროენერგიით მომარაგების უმოკლეს ვადებში უზრუნველყოფის მიზნით:
1. საქართველოს ენერგეტიკის სამინისტრომ (ა. ხეთგური) ,,საქართველოს 2007 წლის სახელმწიფო ბიუჯეტის შესახებ" საქართველოს კანონით მისთვის განსაზღვრული ასიგნე-ბების ფარგლებში უზრუნველყოს 350 000 (სამას ორმოცდაათი ათასი) ლარის გამოყოფა და სათანადო საპროექტო-სამშენებლო სამუშაოების შესყიდვა.
2. ,,სახელმწიფო შესყიდვების შესახებ" საქართველოს კანონის მე-10 მუხლის მე-3 პუნქტის ,,ე" ქვეპუნქტის თანახმად საქართველოს ენერგეტიკის სამინისტრომ განკარგუ-ლების პირველი პუნქტის უმოკლეს ვადებში შესასრულებლად სათანადო სახელმწიფო შესყიდვის განხორციელება უზრუნველყოს ერთ პირთან მოლაპარაკების საშუალებით სს ,,ენერგო-პრო ჯორჯიასთან".
3. საქართველოს ეკონომიკური განვითარების სამინისტრომ (გ. არველაძე) უზრუ-ნველყოს ამ განკარგულების შესაბამისად აშენებული ობიექტების განკარგვის კანონმდებ-ლობით გათვალისწინებულ ღონისძიებათა განხორციელება.
4. განკარგულება ძალაშია ხელმოწერის დღიდან.
პრემიერ-მინისტრი ვლადიმერ გურგენიძე