საქართველოს მთავრობის განკარგულება №736
24 ნოემბერი, 2007
ქ. თბილისის მერიის მიერ განსახორციელებელ ღონისძიებათა ქ. თბილისის ბიუჯეტის სახსრებით სახელმწიფო შესყიდვების ერთ პირთან მოლაპარაკების საშუალებით განხორციელების უფლებამოსილების ქ. თბილისის მერიისათვის მინიჭების შესახებ
,,სახელმწიფო შესყიდვების შესახებ" საქართველოს კანონის მე-10 მუხლის მე-3 პუნქტის ,,ე" ქვეპუნქტის შესაბამისად:
1. ქ. თბილისის მერიის მიერ განსახორციელებელ ღონისძიებათა შეზღუდულ ვადებ-ში განხორციელების უზრუნველსაყოფად ქ. თბილისის მერიას მიენიჭოს უფლებამოსილე-ბა, რომ ქ. თბილისის ბიუჯეტის სახსრებიდან ქ. თბილისის საკრებულოს 2007 წლის 19 ნოემბრის N12-66 გადაწყვეტილებით მიღებული ცვლილების თანახმად გამოყოფილი თან-ხებით სახელმწიფო შესყიდვები განახორციელოს ერთ პირთან მოლაპარაკების საშუალე-ბით.
2. ქ. თბილისის ბიუჯეტის სახსრებიდან ქ. თბილისის საკრებულოს 2007 წლის 19 ნო-ემბრის N12-66 გადაწყვეტილებით მიღებული ცვლილების შესაბამისად გამოყოფილი თან-ხებით, ერთ პირთან მოლაპარაკების საშუალებით, სახელმწიფო შესყიდვა განხორციელ-დეს:
ა) ქალაქგაფორმებითი ღონისძიებების (ორგანიზაციული კოდი 01 02 04);
ბ) კეთილმოწყობის სხვადასხვა ღონისძიების (ორგანიზაციული კოდი 01 02 10);
გ) ქ. თბილისის მერიის სისტემის სხვა ხარჯების (ორგანიზაციული კოდი 01 01 15);
დ) ქ. თბილისის მერიის სარეზერვო ფონდის (ორგანიზაციული კოდი 12 00);
ე) კულტურის სფეროში სხვადასხვა ღონისძიების (ორგანიზაციული კოდი 01 10 05) უზრუნველყოფასთან დაკავშირებულ შესყიდვებზე.
3. ამ განკარგულების პირველი პუნქტით გათვალისწინებული წესით სახელმწიფო შესყიდვები განხორციელდეს მიმდინარე წლის 26 ნოემბრიდან 31 დეკემბრამდე (ჩათვლით).
4. განკარგულება ძალაშია ხელმოწერის დღიდან.
პრემიერ-მინისტრი ვლადიმერ გურგენიძე