საქართველოს მთავრობის განკარგულება №704
21 ნოემბერი, 2007
ქ. თელავის ვაჟა-ფშაველას სახელობის სახელმწიფო დრამატული თეატრის სასწრაფო სარემონტო სამუშაოების ერთ პირთან მოლაპარაკების საშუალებით შესყიდვის განხორციელების ნებართვის მიცემის თაობაზე
1. თელავის ვაჟა-ფშაველას სახელობის სახელმწიფო დრამატული თეატრის შენობა, რომელიც ავარიულ მდგომარეობაშია: დაზიანებულია სახურავი, კედლები, მაყურებელთა დარბაზი, საჭიროებს გადაუდებელ სარემონტო სამუშაოებს. ამის გამო ,,სახელმწიფო შესყიდვების შესახებ" საქართველოს კანონის მე-10 მუხლის მე-3 პუნქტის ,,ე" ქვეპუნქტის შესაბამისად ნება დაერთოს ქ. თელავის მუნიციპალიტეტის გამგეობას, ქ. თელავის ვაჟა-ფშაველას სახელობის სახელმწიფო დრამატული თეატრის 1 000 000 (ერთი მილიონი) ლარის ღირებულების სასწრაფო სარემონტო სამუშაოების შესყიდვა განახორციელოს ერთ პირთან მოლაპარაკების საშუალებით.
2. განკარგულება ძალაშია ხელმოწერის დღიდან.
ვიცე-პრემიერი გიორგი ბარამიძე