საქართველოს მთავრობის განკარგულება №698
21 ნოემბერი, 2007
ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ
1. საქართველოს ფინანსთა სამინისტრომ (ნ. გილაური) ,,საქართველოს 2007 წლის სახელმწიფო ბიუჯეტის შესახებ" საქართველოს კანონის 42-ე მუხლის მე-9 პუნქტით ,,საქართველოს რეგიონებში განსახორციელებელი პროექტებისათვის" გათვალისწინებული ასიგნებებიდან საახალწლო ღონისძიებების ორგანიზებულად ჩატარებისათვის, კერძოდ საახალწლო დეკორაციებისა და მანათობლების შესაძენად გამოუყოს 100 000 (ასი ათასი) ლარი შემდეგ მუნიციპალიტეტებს:
ა) ოზურგეთის მუნიციპალიტეტის გამგეობას - 50 000 (ორმოცდაათი ათასი) ლარი;
ბ) ლანჩხუთის მუნიციპალიტეტის გამგეობას - 30 000 (ოცდაათი ათასი) ლარი;
გ) ჩოხატაურის მუნიციპალიტეტის გამგეობას - 20 000 (ოცი ათასი) ლარი.
2. ,,სახელმწიფო შესყიდვების შესახებ" საქართველოს კანონის მე-10 მუხლის მე-3 პუნქტის ,,ე" ქვეპუნქტის შესაბამისად უფლება მიეცეთ მოცემული თვითმმართველი ერთეულების აღმასრულებელ ორგანოებს შესყიდვა განახორციელონ ერთ პირთან მოლაპარა-კების საშუალებით.
3. განკარგულების შესრულებას კონტროლი დაუწესოს საქართველოს ფინანსთა სამინსიტრომ, ასევე კონტროლის განხორციელება ეთხოვოს სახელმწიფო რწმუნებულს - გუბერნატორს ადმინისტრაციულ-ტერიტორიულ ერთეულებში (ოზურგეთის, ლანჩხუთის, ჩოხატაურის მუნიციპალიტეტები) მ. სვიმონიშვილს.
4. განკარგულება ძალაშია ხელმოწერის დღიდან.
ვიცე-პრემიერი გიორგი ბარამიძე