საქართველოს მთავრობის განკარგულება N543
15 ნოემბერი, 2006
ქუთაისის სატყეო მეურნეობის ბალანსზე რიცხული ხონის რაიონის სოფელ გორდის დადიანისეული ტყე-პარკის 30 ჰა მიწის ფართობის სახელმწიფო ტყის ფონდიდან ამორიცხვისა და ხონის რაიონის სახელმწიფო საკუთრების მიწის ფონდში ჩარიცხვის შესახებ
1. მოწონებულ იქნეს ხონის რაიონის გამგეობის წინადადება (ხონის რაიონის გამგეობის 2006 წლის 5 ივლისის N01-08/10/1 დადგენილება), საქართველოს მიწის გამოყენებისა და დაცვის სახელმწიფო კომისიის 2006 წლის 18 ივლისის სხდომის რეკომენდაცია (კომისიის სხდომის ოქმი N6) და ქუთაისის სატყეო მეურნეობის ბალანსზე რიცხული ხონის რაიონის სოფელ გორდის დადიანისეული ტყე-პარკის 30 ჰა მიწის ფართობი ამოირიცხოს სახელმწიფო ტყის ფონდიდან და ჩაირიცხოს ხონის რაიონის სახელმწიფო საკუთრების მიწის ფონდში.
2. საქართველოს გარემოს დაცვისა და ბუნებრივი რესურსების სამინისტრომ (დ. ტყეშელაშვილი) ხონის რაიონის ადგილობრივი თვითმმართველობის ორგანოსთან ერთად მოახდინოს ამ განკარგულების პირველ პუნქტში აღნიშნული მიწის ნაკვეთის ნატურაში გამიჯვნა, მიღება-ჩაბარება, შესაბამისი დოკუმენტაციის მომზადება და გაფორმება.
3. ეთხოვოს ხონის რაიონის ადგილობრივი თვითმმართველობის ორგანოს განახორციელოს სახელმწიფო ტყის ფონდიდან ამორიცხული, მისთვის გადაცემული მიწის ფართობის აღრიცხვა და შემდგომი გამოყენების თაობაზე გადაწყვეტილებების მიღება მოქმედი კანონმდებლობის თანახმად.
4. განკარგულება ძალაშია ხელმოწერის დღიდან.
პრემიერ-მინისტრი ზურაბ ნოღაიდელი