საქართველოს მთავრობის განკარგულება N539
15 ნოემბერი, 2006
,,საქართველო - განახლებადი ენერგორესურსების მოხმარების ხელშეწყობა ადგილობრივი ენერგომომარაგების მიზნით" პროექტის საზედამხედველო კომიტეტის შექმნის თაობაზე
1. ,,საქართველო - განახლებადი ენერგორესურსების მოხმარების ხელშეწყობა ადგილობრივი ენერგომომარაგების მიზნით" პროექტის დოკუმენტის III ნაწილის (მართვის საკითხები) შესაბამისად შეიქმნას პროექტის საზედამხედველო კომიტეტი შემდეგი შემადგენლობით:
დავით ტყეშელაშვილი - საქართველოს გარემოს დაცვისა და ბუნებრივი რესურსების მინისტრი, საზედამხედველო კომიტეტის თავმჯდომარე
პიტერ ბრინკმანი - გერმანიის განვითარების ბანკის პროექტის მენეჯერი
დიმიტრი გვინდაძე - საქართველოს ფინანსთა მინისტრის მოადგილე
ზაალ ლომთაძე - საქართველოს გარემოს დაცვისა და ბუნებრივი რესურსების მინისტრის მოადგილე, კლიმატის ცვლილების ჩარჩო კონვენციის ეროვნული პასუხისმგებელი პირი საქართველოში, საზედამხედველო კომიტეტის მდივანი
არჩილ მამათელაშვილი - საქართველოს ენერგეტიკის მინისტრის მოადგილე
პიტერ ვან რუისველდტი - საქართველოში გაეროს განვითარების პროგრამის მუდმივი წარმომადგენლის მოადგილე.
2. კომიტეტმა უზრუნველყოს ,,საქართველო - განახლებადი ენერგორესურსების მოხმარების ხელშეწყობა ადგილობრივი ენერგომომარაგების მიზნით" პროექტის შესრულების მიმდინარეობისა და გათვალისწინებული მიზნების განხორციელების ზედამხედველობა.
3. განკარგულება ძალაშია ხელმოწერის დღიდან.
პრემიერ-მინისტრი ზურაბ ნოღაიდელი