საქართველოს მთავრობის განკარგულება N522
06 ნოემბერი, 2006
მსოფლიო ბანკის დაფინანსებით განსაზღვრული ხუდონის ჰიდროელექტროსადგურის პროექტის, საპროექტო კვლევისა და გარემოზე ზემოქმედების შესაფასებლად განსახორციელებელ წინამოსამზადებელ სამუშაოთა შესახებ
მსოფლიო ბანკის დაფინანსებით განსაზღვრული ხუდონის ჰიდროელექტროსადგურის პროექტის, საპროექტო კვლევისა და გარემოზე ზემოქმედების შესაფასებლად განსახორციელებელ წინამოსამზადებელ სამუშაოთა შესრულებისა და შესაბამისი დაფინანსების მიზნით:
1. საქართველოს ენერგეტიკის სამინისტრომ (ნ. გილაური) 2006 წლის სახელმწიფო ბიუჯეტით სამინისტროსათვის განსაზღვრული ასიგნებებიდან უზრუნველყოს ხუდონჰესსზე არსებული კომუნიკაციების, გვირაბებისა და შენობა-ნაგებობების აღდგენის სამუშაოთა სახარჯთაღრიცხვო გაანგარიშების შედგენისა და შესაბამის სამუშაოთა შესრულებისათვის საჭირო შესყიდვები.
2. საქართველოს ფინანსთა სამინისტრომ (ა. ალექსიშვილი) საჭიროების შემთხვევაში თავისი კომპეტენციის ფარგლებში ენერგეტიკის სამინისტროს წინადადების საფუძველზე შეიტანოს შესაბამისი ცვლილებები საქართველოს 2006 წლის სახელმწიფო ბიუჯეტის კვარტალურ და ოპერატიულ ფინანსურ განწერაში.
3. ეთხოვოს სსიპ - სახელმწიფო შესყიდვების სააგენტოს, გაითვალისწინოს ამ განკარგულების პირველ პუნქტში აღნიშნული სამუშაოებისათვის საჭირო შესყიდვებთან დაკავშირებული პროცედურების შემჭიდროებულ ვადებში განხორციელების აუცილებლობა.
4. განკარგულების შესრულების კონტროლი განახორციელონ საქართველოს ენერგეტიკის მინისტრმა ნ. გილაურმა და ფინანსთა მინისტრმა ა. ალექსიშვილმა.
5. განკარგულება ძალაშია ხელმოწერის დღიდან.
პრემიერ-მინისტრი ზურაბ ნოღაიდელი