საქართველოს მთავრობის განკარგულება N516
03 ნოემბერი, 2006
საქართველოს მთავრობასა და გერმანიის რეკონსტრუქციის საკრედიტო ბანკს (KFW) შორის ბათუმის კომუნალური ინფრასტრუქტურის რეაბილიტაციის I ფაზის დაფინანსების მიზნით სასესხო ხელშეკრულების დადების შესახებ საქართველოს ფინანსთა სამინისტროს წინადადების თაობაზე
1. მოწონებულ იქნეს საქართველოს ფინანსთა სამინისტროს წინადადება საქართველოს მთავრობასა (მსესხებელი) და გერმანიის რეკონსტრუქციის საკრედიტო ბანკს (KFW) შორის ბათუმის კომუნალური ინფრასტრუქტურის რეაბილიტაციის I ფაზის დაფინანსების მიზნით 17,079,043.17 ევროს ოდენობის სასესხო ხელშეკრულების დადების თაობაზე.
2. ,,სახელმწიფო ვალის შესახებ" საქართველოს კანონის მე-2 მუხლის შესაბამისად ეთხოვოს თანხმობა საქართველოს პრეზიდენტს საქართველოს მთავრობასა (მსესხებელი) და გერმანიის რეკონსტრუქციის საკრედიტო ბანკს (KFW) შორის ბათუმის კომუნალური ინფრასტრუქტურის რეაბილიტაციის I ფაზის დაფინანსების მიზნით 17,079,043.17 ევროს ოდენობის სასესხო ხელშეკრულების დადების თაობაზე.
პრემიერ-მინისტრი ზურაბ ნოღაიდელი