საქართველოს მთავრობის განკარგულება N482
11 ოქტომბერი, 2006
"ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ" საქართველოს მთავრობის 2006 წლის 9 თებერვლის N66 განკარგულებაში დამატებების შეტანის თაობაზე
,,ტერიტორიული ერთეულების ბიუჯეტებისათვის საქართველოს სახელმწიფო ბიუჯეტიდან თანხის გამოყოფის შესახებ" საქართველოს მთავრობის 2006 წლის 9 თებერვლის N66 განკარგულების N5 დანართში შეტანილ იქნეს შემდეგი დამატებები:
1. პირველ პუნქტს დაემატოს ,,კ" ქვეპუნქტი და ჩამოყალიბდეს შემდეგი რედაქციით:
,,კ) ქ. თელავში რუსთაველის ქუჩის ქვაფენილის რესტავრაცია.".
2. მე-4 პუნქტი ჩამოყალიბდეს შემდეგი რედაქციით:
,,4. ლაგოდეხის რაიონის ბიუჯეტს გამოეყოს 1 047 000 (ერთი მილიონ ორმოცდაშვიდი ათასი) ლარი შემდეგი პროექტების განსახორციელებლად:
ა) ჭიაურის ტყის რეაბილიტაცია;
ბ) ქ. ლაგოდეხის გარე განათების აღდგენა;
გ) ქ. ლაგოდეხის სპორტული მოედნის მშენებლობა;
დ) სოფელ ცოდნისკარის სპორტული კომპლექსის რეაბილიტაცია და საპროექტო სამუშაოთა შესრულება;
ე) ქ. ლაგოდეხის გაზმომარაგების აღსადგენად გაზგამტარი მილის რეაბილიტაცია;
ვ) ქ. ლაგოდეხის N1 საშუალო სკოლის კაპიტალური შეკეთება და საპროექტო სამუშაოთა გაზრდა;
ზ) სოფელ აფენის ხიდის რეაბილიტაცია;
თ) ქ. ლაგოდეხის ცენტრალური სკვერის კეთილმოწყობა.".
3. მე-6 პუნქტს დაემატოს ,,ზ" ქვეპუნქტი და ჩამოყალიბდეს შემდეგი რედაქციით:
,,ზ) ქ. ყვარლის 9 აპრილის სახელობის პარკის კეთილმოწყობა.".
4. მე-7 პუნქტს დაემატოს ,,ვ" ქვეპუნქტი და ჩამოყალიბდეს შემდეგი რედაქციით:
,,ვ) ქ. გურჯაანის თავისუფლებისა და გურამიშვილის ქუჩების ასფალტის საფარის რეაბილიტაცია".
პრემიერ-მინისტრი ზურაბ ნოღაიდელი